Reglur um viðurkenningu vegna nýsköpunar
15.02.2016
Bæjarstjórn Akraness samþykkti á fundi sínum þann 9. febrúar síðastliðinn reglur um veitingu viðurkenningar vegna nýsköpunar til einstaklinga, hópa eða fyrirtækja á Akranesi. Viðurkenning verður veitt einu sinni á ári í formi peningaverðlauna, kr. 500.000 og er það skilyrt að nýsköpunin hafi tengingu við Akraness. Auglýst verður eftir tilnefningum til viðurkenningarinnar í apríl næstkomandi. Sérstök eyðublöð verða aðgengileg á vef Akraneskaupstaðar og skal rökstuðningur fylgja tilnefningunni.
Markmið með veitingu viðurkenningar á sviði nýsköpunar er að styðja við frumkvöðla á Akranesi. Reglurnar í heild sinni má skoða hér.
Moya