Sjómannadagurinn á Akranesi
Sunnudaginn 3. júní verður Sjómannadagurinn haldinn hátíðlegur á Akranesi.
Dagskrá dagsins er eftirfarandi:
Kl. 10:00-18:00 Akranesviti
Frítt í Akranesvita. Lífið Zoe, málverkasýning Péturs Bergmann Bertol prýðir veggi vitans á annarri hæð.
Kl. 10:00 Minningarstund
Minningarstund við minnismerki um týnda sjómenn í kirkjugarði.
Kl. 11:00 Akraneskirkja
Sjómannadagsmessa í Akraneskirkju. Blómsveigur lagður að minnismerki sjómanna á Akratorgi að lokinni athöfn.
Kl. 11:00 Dýfingarkeppni
Dýfingakeppni á vegum Sjóbaðsfélags Akraness. Keppt í tveimur flokkum, -50 ára og +51 árs. Frjáls aðferð. Keppni sést frá Langasandi.
Kl. 13:00 Akranesviti
Akranesviti. Sýningin „Saga vitanna á Akranesi“ verður opnuð á fyrstu hæð vitans. Allir velkomnir!
Kl. 13:00-14:00 Dorgveiðikeppni
Dorgveiðikeppni á Sementsbryggjunni í boði Bíóhallarinnar.
Kl. 13:30-16:30 Jónsbúð
Kaffisala í Jónsbúð við Akursbraut á vegum Slysavarnadeildarinnar Lífar. Allir hjartanlega velkomnir.
Kl. 14:00-16:00 Hafnarsvæðið
Fjölskylduskemmtun á hafnarsvæðinu í samstarfi við Akraneskaupstað, Verkalýðsfélag Akraness, HB Granda, Faxaflóahafnir, Runólf Hallfreðsson ehf., Björgunarfélag Akraness, Ísfisks ehf. og Fiskmarkað Snæfellsbæjar. Á boðstólnum verða m.a.: Róðrarkeppni Gamla Kaupfélagsins, hoppukastali, bátasmíði, kassaklifur, furðufiskar og ýmislegt fleira. Von er á þyrlu Landhelgisgæslunnar í heimsókn ef aðstæður leyfa og félagar í Sjósportfélaginu Sigurfara verða sýnilegir á svæðinu og verða meðal annars með kajaka á floti sem hægt verður að reyna sig á. Þá verður ýmislegt matartengt til sölu.
Hægt að skrá lið í róðrakeppni Gamla Kaupfélagsins með því að senda tölvupóst á netfangið maria.neves@akranes.is. Í hverju liði er einn stýrimaður og sex sem róa og má liðið vera karlalið, kvennalið eða blandað lið. Verðlaun í boði Gamla Kaupfélagsins fyrir sigurliðið.
