Skemmtileg heimsókn nemenda úr þriðja bekk í Grundaskóla
29.09.2015
Regína Ásvaldsdóttir bæjarstjóri fékk skemmtilega heimsókn í dag frá nemendum þriðja bekkjar í Grundaskóla. Nemendur eru um þessar mundir að fræðast um Akranes og hafa þau farið í fjölmargar fyrirtækjaheimsóknir því tengdu.
Með heimsókninni vildu þau fræðast meira um starf bæjarstjóra og voru búin að undirbúa sig með spurningum á borð við hvernig vinnudagurinn hjá bæjarstjóra væri, hvernig bæjarstjórnarfundir færu fram, hverju bæjarstjórinn fengi að ráða sjálfur og fleira skemmtilegt. Svo komu þau því auðvitað á framfæri að þau vilja grasvöll fyrir utan Grundarskóla.
Akraneskaupstaður þakkar nemendum og kennurum í þriðja bekk í Grundaskóla fyrir skemmtilega heimsókn.
Moya