Staða framkvæmda á fimleikahúsi við Vesturgötu
31.01.2019
Framkvæmdir
Framkvæmdir við byggingu fimleikahúss við Vesturgötu eru nú komnar á fullt skrið og má sjá breytingu á svæðinu milli vikna. Búið er að fleyga upp klöppina og nú er unnið hörðum höndum að steypa upp tæknikjallara og sökkla fyrir húsið. Þegar sú vinna klárast verður farið í að steypa plötu og útveggi. Í sumar verður ráðist í að gera nýja búningsklefa fyrir bæði íþrótta- og fimleikahúsið. Á meðan þær framkvæmdir standa yfir má búast við að íþróttahúsið verði lokað að hluta eða að öllu leyti.
Af öryggisástæðum hefur sparkvelli við Brekkubæjarskóla verið lokað á meðan framkvæmdir standa yfir. Áætlað er að hægt sé að opna hann að nýju fyrir sumarlok.
Moya