Staða framkvæmda við endurnýjun potta á Jaðarsbökkum
24.05.2017
Tafir hafa verið við framkvæmdir á endurnýjun potta á Jaðarsbökkum. Vinnu við flísalögn vaðlaugar er lokið og flísalögn við svokallaðan friðarpott er langt komin. Eftir er að flísaleggja nuddpottinn en reiknað er með að þeirri vinnu ljúki upp úr miðjum júní. Samhliða flísalögn nuddpotts verða aðrir verkliðir kláraðir s.s. lagning gúmmíhella á svæðið og girðing sett upp. Vinna við pípulagnir og rafmagn er langt komin og að verða lokið.
Í millitíðinni er stefnan á að opna aðgang að vaðlaug áður en heildarframkvæmd lýkur. Verktaki stefnir síðan að því að heildarframkvæmd verði lokið seinnipart júní mánaðar.
Moya