Stækkun sleðabrekkunnar

Þetta verkefni var eitt af þeim 6 verkefnum sem hlutu flest atkvæði í kosningu í hugmyndasamkeppninni Okkar Akranes - græn svæði, sem efnt var til á síðasta ári. Óskir um stærri sleðabrekku hefur einnig komið skýrt fram á barna- og ungmennaþingi Akraneskaupstaðar og ánægjulegt að sjá hana verða að veruleika.

Ekki náðist að vinna verkefnið s.l. haust en nú í júlí var ráðist í framkvæmdina sem gekk mjög vel og er nú kominn þessi fína sleðabrekka sem á örugglega eftir að verða vinsælt svæði fyrir vetrarleika.

Búið er að sá í hólinn og ætti hann að fá grænan lit á sig fyrir haustið.

Um er að ræða framkvæmd miðað við deiliskipulag svæðisins.

Verkefnið var í höndum Þróttar ehf.

Sáningu á hólinn annaðist GrasTec ehf.