Þrettándagleði, álfadans og flugeldasýning
02.01.2017
Ljósmynd frá þrettándabrennu í janúar 2016.
Hin árlega þrettándabrenna verður haldin föstudaginn 6. janúar næstkomandi við „þyrlupallinn“ á Jaðarsbökkum. Blysför hefst við Þorpið að Þjóðbraut 13 kl. 18:00. Álfar, tröll og jólasveinar munu leiða gönguna að brennunni þar sem jólin verða kvödd. Að venju er það Björgunarfélag Akraness sem sér um brennuna og flugeldasýningu sem hefst um kl. 18.30.
Að því loknu býður Íþróttabandalag Akraness gestum í Íþróttamiðstöðina að Jaðarsbökkum þar sem tilkynnt verður um val á Íþróttamanni Akraness 2016 og boðið uppá veitingar.
