Tómstundaframlag Akraneskaupstaðar hækkar
03.01.2018
Ljósmynd úr myndasafni Íþróttabandalags Akraness.
Frá 1. janúar 2018 hækkar tómstundaframlag Akraneskaupstaðar um kr. 10.000 og verður framlag kaupstaðarins til íþrótta- og tómstundaiðkunar barna kr. 35.000 fyrir eitt barn. Tómstundaframlagið hækkar síðan um 25% fyrir annað barn og aftur um 25% við þriðja barn. Framlagið skiptist því svona:
- Foreldri með eitt barn, kr. 35.000
- Foreldri með tvö börn, kr. 39.375 per barn
- Foreldri með þrjú börn, kr. 44.479 per barn
Á næstu dögum geta foreldrar skráð sig í íbúagátt Akraneskaupstaðar, www.ibuagatt.akranes.is og athugað stöðu/nýtingu tómstundaframlagsins. Látið verður vita þegar sú tenging verður tilbúin. Reglur um tómstundaframlag Akraneskaupstaðar má skoða hér.
