Upplýsingaskilti og áningastaður við innkomuna í bæinn
Um miðjan júní verður nýtt upplýsingaskilti og áningarstaður vígður við Hausthúsatorg. Upplýsingaskiltið sýnir götukort af Akranesi og texta um sögu og afþreyingu í bænum ásamt ljósmyndum. Þess í stað verður skilti sem staðsett hefur við Olís í fleiri ár, tekið niður. Nýja skiltið er unnið í samstarfi við Kiwanisklúbbinn og mun klúbburinn safna auglýsingum frá fyrirtækjum sem verða á skiltinu. Það er Unnur Jónsdóttir sem hannar útlit skiltisins. Auk skiltisins verður svæðið þökulagt og settir niður bekkir og blómaker.
Vélaleiga Halldórs mun sjá um framkvæmd á svæðinu sem felur í sér jarðvegsskiptingu og uppgröft auk þess að svæðið verður girt af til að afmarka það fyrir bílaumferð. Stefnt er að því að svæðið verði tilbúið fyrir 17. júní næstkomandi.
