Upptaka á kvikmyndinni Hey hó Agnes Cho lokið á Akranesi
15.11.2018
Frá miðjum október og til byrjun nóvember fór fram upptaka á Akranesi á kvikmyndinni Hey hó Agnes Cho og lauk henni nú á dögunum. Í fréttatilkynningu frá Akraneskaupstað þann 15. október síðastliðinn kom fram að um væri að ræða dramatíska kvikmynd með húmor og gerist myndin að mestu leyti á Akranesi.
Birna Hjaltalín Pálmadóttir tökustaðastjóri myndarinnar setti sig í samband við Akraneskaupstað eftir að tökum lauk og vill koma á framfæri eftirfarandi þökkum. „Kæru Akurnesingar, við höfum nú lokið tökum á Akranesi á bíómyndinni Agnes Cho. Hvar sem við komum mættum við einstakri hjálpsemi og velvilja sem gerði vinnu okkar auðveldari og skemmtilegri. Við þökkum hjartanlega fyrir okkur - Sjáumst svo í bíó."
Moya