Vigdís Birna rauðhærðasti Íslendingurinn 2021
06.07.2021
![Vigdís Birna, Rauðhærðasti Íslendingurinn 2021 ásamt Fríðu Kristínu viðburðarstýru Akraneskaupstaðar](/static/news/lg/rloat98q.jpeg)
Vigdís Birna, Rauðhærðasti Íslendingurinn 2021 ásamt Fríðu Kristínu viðburðarstýru Akraneskaupstaðar
Vigdís Birna vann titilinn rauðhærðasti Íslendingurinn árið 2021 á Írskum dögum sem haldnir voru á Akranesi um helgina. Keppnin var haldin í tuttugasta og annað skiptið og alls voru 12 einstaklingar skráðir til leiks í ár. Sigurvegari hlaut í verðlaun 50 þúsund króna gjafabréf frá Iceland Air.
Vigdís Birna er 13 ára og býr á Akranesi og á Hvítárvöllum í Borgarfirði.
Helga Dís hlaut annað sæti í keppninni og Rúrik Logi það þriðja og hlutu þau gjafabréf frá Frystihúsinu í verðlaun.
Að sögn Fríðu Kristínar viðburðarstýru Akraneskaupstaðar gekk helgin vel fyrir sig, heilmikið var um að vera í bænum og ættu allir að hafa fundið eitthvað við sitt hæfi.
Moya