Bæjarstjórn

Erindisbréf fyrir ráð, svið og sviðsstjóra stjórnsýslu- og fjármálasviðs, skóla- og frístundasviðs, velferðar- og mannréttindasvið og skipulags- og umhverfissvið voru samþykkt nýverið og hefur þeim verið vísað til staðfestingar í bæjarstjórn Akraness.

Bæjarráð samþykkti á fundi sínum þann 27. febrúar síðastliðinn að ráðast í umbótavinnu á rekstri og innra verklagi hjá Akraneskaupstað samkvæmt verkefnatillögu frá Capacent ráðgjafafyrirtæki. Gert er ráð fyrir að vinnan hefjist þann 1. mars og áætluð verklok eru eigi síðar en þann 1. júní næstkomandi. Markmiðið er að ná fram aukinni skilvirkni í starfsemi stjórnsýslu sveitarfélagsins með breytingum á stjórnun, verkferlum og samstarfi, ásamt því að kanna m.a. frekari hagnýtingu upplýsingatækninnar í þessu skyni.

Bæjarráð samþykkti að veita fjármunum til verkefnisins, samtals að fjárhæð kr. 3.700.000 án virðisaukaskatts. Bæjarráð samþykkti samhliða því viðauka nr. 5 að sömu fjárhæð sem skal ráðstafað af deild 20830-4995 og á deild 21400-4390. Ákvörðunin hefur ekki áhrif á áætlaða rekstrarniðurstöðu ársins. Bæjarráð vísaði viðaukanum til staðfestingar í bæjarstjórn Akraness.

Auglýst var eftir styrkumsóknum til menningar- og íþróttaverkefna í nóvember síðastliðinn og rann umsóknarfrestur út þann 16. desember. Menningar- og safnanefnd lagði tillögu að úthlutun styrkja fyrir bæjarráð sem tók málið fyrir þann 27. febrúar sl.

Bæjarráð samþykkti viðauka nr. 6 að fjárhæð kr. 3.850.000 sem skal ráðstafað af deild 20830-5948 og inn á deild 05890-5948. Ákvörðunin hefur ekki áhrif á áætlaða rekstrarniðurstöðu ársins. Mismuninum, samtals að fjárhæð kr. 950.000, verður ráðstafað síðar á árinu af forstöðumanni menningar- og safnamála í samráði við menningar- og safnanefnd. Bæjarráð vísaði viðaukanum til staðfestingar í bæjarstjórn Akraness.

Skipulags- og umhverfisráð leggur til við bæjarstjórn að samþykkja lækkun gólfkóta um 20 cm. Með breytingu verður hæð húss yfir landhæð 30 cm. Í deiliskipulagi Skógarhverfis, 1. áfanga í grein 4.3.3 er kveðið á um að hæð húsa yfir landhæð sé að lágmarki 50cm.

Breyting á deiliskipulagi vegna þessarar breytingar skal vera skv. 3. mgr. 43. gr. skipulagslaga nr. 123/2010.

Samþykkt var í bæjarstjórn 14. maí 2019 deiliskipulag Smiðjuvalla vegna lóðanna við Smiðjuvelli 12-14-16-18-20 og 22. Tillagan var auglýst frá 5. mars til og með 28. apríl 2019, skv. 1. mgr. 43. gr. skipulagslaga nr. 123/2010. Engar athugasemdir bárust á auglýsingatíma.

Skipulags- og umhverfisráð leggur til við bæjarstjórn að lagfæringar verði gerðar á deiliskipulaginu sem felast í að breyta lóðarmörkum á horni Smiðjuvalla og Þjóðbrautar, vegna mögulegs hringtorgs. Stærð lóðar er leiðrétt. Ennfremur hefur uppdráttur og greinargerð verið lagfærð vegna ábendinga Skipulagsstofnununar frá 31. maí 2019. Lagfæringar eiga ekki við efnisatriði deiliskipulagins eða hagsmuni annarra en Akraneskaupstaðar.

3403. fundargerð bæjarráðs frá 27. febrúar 2020.
3404. fundargerð bæjarráðs frá 6. mars 2020.

125. fundargerð skóla- og frístundaráð frá 3. mars 2020.

122. fundargerð velferðar- og mannréttindaráðs frá 4. mars 2020.

106. fundargerð stjórnar Höfða frá 10. febrúar 2020.

188. fundargerð stjórnar Faxaflóahafna frá 28. febrúar 2020.

284. fundargerð stjórnar Orkuveitu Reykjavíkur frá 27. janúar 2020.