Undanfarnar vikur hafa sem kunnugt er staðið yfir viðræður við forsvarsmenn HB Granda vegna ákvörðunar þeirra um að hætta botnfiskvinnslu á Akranesi. Viðræðurnar hafa verið gagnlegar og upplýsandi. Mikil vonbrigði eru þó að botnfiskvinnsla hætti hjá HB Granda á Akranesi og að starfsfólk fái uppsagnarbréf. Um leið er ljóst að mikil tækifæri eru fólgin í áframhaldandi viðræðum við HB Granda sem skýrast munu á næstu vikum og mánuðum.

Vikuna 15. til 19. maí næstkomandi verður sundlaugin að Jaðarsbökkum lokuð vegna framkvæmda. Brjóta þarf upp stéttina fyrir framan búningsklefana og leggja nýja affalls- og snjóbræðslulögn. Beðist er velvirðingar á þeim óþægindum sem þetta kann að valda.

Félagar í Hestamannafélaginu Dreyra munu sýna sig og sjá aðra á Skaganum laugardaginn 6. maí næstkomandi með því að fara í miðbæjarreið niður að Akratorgi. Tilgangurinn með bæjartúrnum er 70 ára afmæli félagsins sem var þann 1. maí síðastliðinn og að minna á hestamennsku sem er stunduð í jaðri bæjarfélagsins.

1254. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 9. maí kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á beina útsendingu frá fundinum á FM 95,0.

Ársreikningur Akraneskaupstaðar var lagður fram í bæjarráði fimmtudaginn 19. apríl sl. og var vísað til fyrri umræðu í bæjarstjórn Akraness sem fór fram þann 25. apríl síðastliðinn.

Vorhreinsun íbúa, fyrirtækja og stofnana fer fram dagana 29. apríl - 7. maí. Bæjarbúar, ungir sem aldnir eru hvattir til að fagna vori og taka þátt í hreinsun og fegrun lóða og umhverfis í þágu allra bæjarbúa. Gámar verða staðsettir á ákveðnum stöðum í bænum á tímabilinu og geta íbúar og fyrirtæki skilað þar endurgjaldslaust því sem til fellur við vorhreinsunina.

Samkvæmt tilkynningu frá Speli verða Hvalfjarðargöng lokuð fjórar nætur í þessari viku (17. viku ársins). Vakin er sérstök athygli á að lokað verður kl. 22 að kvöldi mánudags 24. apríl en á miðnætti næstu þrjú kvöld þar á eftir. Næturlokun ganganna á þessum tíma árs er hefðbundinn vor- og sumarboði, tími sem...

Fyrsta hjónavígslan í Akranesvita fór fram þann 18. apríl síðastliðinn. Það voru þau Tanja og Markus frá Þýskalandi sem létu gefa sig saman í fjörunni hjá Vitanum og sá Sýslumaðurinn á Vesturlandi um vígsluna..

1253. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 25. apríl kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á beina útsendingu frá fundinum á FM 95,0.

Árlega útnefnir Akraneskaupstaður bæjarlistamann til eins árs í senn. Menningar- og safnanefnd Akraneskaupstaðar óskar eftir tillögum frá almenningi um bæjarlistamann Akraness árið 2017. Hér má sjá hverjir hafa verið kjörnir bæjarlistamenn Akraness í gegnum árin.