Jólalegt á Bókasafni Akraness
05.12.2016
Jólaskreytingar á Bókasafni Akraness
Á Bókasafni Akraness er orðið jólalegt um að litast. Þær stöllur Gerður Jóhanna Jóhannsdóttir og Erla Dís Sigurjónsdóttir hafa undanfarin ár haft veg og vanda af jólaskreytingum á safninu og nú sem endranær er safnið fagurlega skreytt.
Fram til jóla býður Bókasafn Akraness upp á jólasögustund fyrir leikskólahópa alla virka morgna (nema fimmtudaga) og jólasögustund á fimmtudögum kl. 16:30-16:45.
Við hvetjum fólk til að gera sér ferð á safnið, njóta jólaandans og fá jafnvel lánaða jólabók í leiðinni. Sjón er sögu ríkari
