Eðvarð Lárusson, tónlistarmaður, er Bæjarlistamaður Akraness árið 2018. Eðvarð, eða Eddi eins og hann er oftast kallaður, hóf ungur að árum að leika á gítar og lærði gítarleik fyrst í Tónlistarskólanum á Akranesi og síðar meir í Tónlistarskóla FÍH og útskrifaðist þaðan frá djassdeild árið 1991.

Hátíðahöld á þjóðhátíðardaginn voru með fremur hefðbundnu sniði. Að morgni dags var þjóðlegur morgunn á Byggðasafninu. Börnum var boðið í leiki með Alltaf gaman, félagar í Hestamannafélaginu Dreyra teymdu undir börnum og Fimleikafélag Akraness var með andlitsmálun. Tvær nýjar sýningar voru opnaðar í Byggðasafninu; ljósmyndasýningin Horfnir tímar - Vinkonur og málverkasýningin Bærinn okkar - Fjallið okkar.

Á 1276. fundi bæjarstjórnar Akraness þann 12. júní 2018 var eftirfarandi ályktun samþykkt: Bæjarstjórn Akraness hefur undanfarin ár margsinnis vakið athygli samgönguyfirvalda á brýnni nauðsyn þess að auknum fjármunum verði varið til endurbóta á Vesturlandsvegi um Kjalarnes til að auka umferðaröryggi og greiða för.

Á 1276. fundi bæjarstjórnar Akraness þann 12. júní 2018 var eftirfarandi ályktun samþykkt: Í málefnasamningi Samfylkingar, Viðreisnar, Pírata og Vinstri grænna sem saman mynda meirihluta í borgarstjórn Reykjavíkur kemur fram að nýr meirihluti spanni breitt pólitískt litróf með fjölbreytta sýn...

Gerð hafa verið fjögur kynningarmyndbönd um fjárhagsáætlun Akraneskaupstaðar fyrir árið 2018. Er hér um að ræða nýjung í upplýsingastreymi til bæjarbúa undir heitinu „Í hvað fara krónurnar okkar?“ Myndböndin veita upplýsingar um einstaka málaflokka innan stjórnsýslunnar,

1276. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 12. júní kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Hægt er að hlusta á fundinn á FM 95,0. Vakin er athygli á því að bæjarmálafundir allra flokkanna falla niður þessa vikuna.

Nú er Norðurálsmótið að bresta á, margir komnir á Skagann og mikið líf hér í bæ. Fjöldi liða víðs vegar af landinu er komið hér saman til þess eins að keppa í fótbolta og njóta okkar gestrisnar. Skrúðgangan hefur sinn fasta sess í dagskrá mótsins og leggja mótsgestir af stað frá bílaplaninu við bæjarskrifstofuna að Stillholti 16-18 kl. 10:45 í átt að..

Nýr ærslabelgur er kominn upp hjá Langasandi, beint fyrir aftan Akraneshöll. Belgurinn var vígður formlega í gær þann 6. júní og er hann ætlaður fólki á öllum aldri sem hefur áhuga á að hoppa og leika sér. Það var bæjarráð Akraneskaupstaðar sem samþykkti kaupin á belgnum á fundi sínum þann 26. mars síðastliðinn.

Sigríður Ása Bjarnadóttir, leikskólakennari í leikskólanum Teigaseli á Akranesi fékk í dag viðurkenningu fyrir framúrskarandi starf. Sigríður Ása var ein af fimm kennurum á landinu sem fékk slíka viðurkenningu.

Hið árlega kvennahlaup Sjóvá og ÍSÍ verður haldið á Akranesi laugardaginn 2. júní. Hlaupið er frá Akratorgi kl. 11:00 eftir upphitun Steindóru Steinsdóttur sem hefst kl. 10:45. Vegalengdir sem eru í boði eru 2 km og 5 km. Þátttökugjald er fyrir 12 ára og yngri samtals kr. 1000 og fyrir 13 ára og eldri samtals kr. 2000. Bolur fylgi þátttökugjaldi og er hægt að skrá sig á staðnum.