Bæjarráð

Breyting á skipulagi varðar ekki hagsmuni annarra en umsækjanda.

Skipulags- og umhverfisráð samþykkti á fundi sínum þann 24. júní 2024 að því að leggja til við bæjarstjórn að málsmeðferð verði samkvæmt 2. mgr. 43. gr., með vísun í 3. mgr. 44. gr. skipulagslaga nr. 123/2010.

Skipulags- og umhverfisráð samþykkti á fundi sínum þann 24. júní 2024 að leggja til við bæjarstjórn að samþykkja áform um byggingarleyfi sbr. grenndarkynningu vegna Dalbrautar 31.

Skipulags- og umhverfisráð samþykkti á fundi sínum þann 24. júní 2024 að leggja til við bæjarstjórn að breyting á deiliskipulagi Flóahverfis vegna Lækjarflóa 25 hljóti málsmeðferð samkvæmt 2. mgr. 43. gr., með vísun í 3. mgr. 44. gr. skipulagslaga nr. 123/2010, þar sem breyting á skipulagi varðar ekki hagsmuni annarra en umsækjanda.

Breytingin felst í að lóð við Lækjarflóa 25 er stækkuð úr 5.791 fm í 6.211 fm eða um 420 fm í vestur. Byggingarreitur er stækkaður til samræmis, úr 3.133 fm í 3.456 fm eða um 323 fm. Við stækkun lóðar eykst byggingarmagn um 168 fm.

Skipulags- og umhverfisráð samþykkti á fundi sínum þann 24. júní 2024 að leggja til við bæjarstjórn að samþykkja áform um byggingarleyfi sbr. grenndarkynningu vegna Reynigrundar 24. Jafnframt er lagt til við bæjarstjórn að fyrirliggjandi greinargerð skipulagsfulltrúa verði svar bæjarstjórnar vegna þeirra athugsemda sem bárust við deiliskipulagsbreytingunni.

Umsókn lóðarhafa Suðurgötu 126 um stækkun byggingarreits um 11,9 m2 til austurs. Byggja á lyftu við hús en núverandi lyftuhús verður fjarlægt. Grenndarkynnt var frá 3. maí til 6. júní 2024 fyrir lóðarhöfum Skagabrautar 21, 23, 24, og 25 og Jaðarsbraut 3 skv. 2. mgr. 43. gr. skipulagslaga nr. 123/2012. Engar athugasemdir bárust. Skipulags- og umhverfisráð samþykkti á fundi sínum þann 24. júní 2024 að leggja til við bæjarstjórn að deiliskipulagsbreytingin verði samþykkt, send Skipulagsstofnun og auglýst í B-deild Stjórnartíðinda.

Fulltrúar frá Transition Labs ehf. og Röst sjávarrannsóknarsetri mæta á fund bæjarráðs og kynna starfsemi félaganna.

Kjartan Örn Ólafsson framkvæmdarstjóri, Margrét Ormslev Ásgeirsdóttir rekstrarstjóri og Karen Björk Eyþórsdóttir verkefnastjóri frá Transisition Labs ehf. og Salome Hallfreðsdóttir framkvæmdarstjóri frá Röst sjávarrannsóknarsetri.

Bæjarráð samþykkti á fundi sínum þann 16. maí 2024 að veita viðbótarfjármagni til Grundaskóla til kaupa á kæliklefa.

Kostnaðinum, samtals að fjárhæð kr. 2.331.000 (með uppsetningu og vsk), var mætt af deild 20830-4660 og færður á deild 04230-4660.

Sameiginlegur viðauki bæjarráðs vegna tímabilsins janúar - maí 2024.

Kristjana Helga Ólafsdóttir fjármálastjóri situr fundinn undir þessum dagskrárlið sem og undir lið nr. 9.

Verk- og tímaáætlun vegna vinnslu fjárhagsáætlunar 2025 og þriggja ára áætlunar vegna tímabilsins 2026 til og með 2028.

Skóla- og frístundaráð tók fyrir á fundi sínum 26. júní s.l. tilboð í búnaðarkaup fyrir íþróttahúsið á Vesturgötu og nýja íþróttahúsið á Jaðarsbökkum. Fengin voru tilboð frá þremur fyrirtækjum og var Altís með hagstæðustu verðin. Veittur er viðbótar afsláttur ef heildarpakkinn fyrir bæði húsin er tekinn hjá fyrirtækinu. Skóla- og frístundaráð leggur til við bæjarráð að forstöðumaður íþróttamannvirkja fái heimild til kaupa á nauðsynlegum búnaði skv. fyrirliggjandi lista fyrir íþróttahúsið á Vesturgötu svo hægt verði að hefja starfsemi með fullbúið hús í haust.



Dagný Hauksdóttir sviðsstjóri skóla- og frístundasviðs situr fundinn undir þessum dagskrárlið sem og undir lið nr. 11.

Í maí 2024 hóf skóla- og frístundaráð vinnu við gerð verkefnisáætlunar um framtíðarsýn í mötuneytismálum grunnskólanna.



Á fundi ráðsins 26. júní sl. var fjallað um stöðu og framvindu verkefnisins.Bókun ráðsins er eftirfarandi:

Vilji skóla- og frístundaráðs stendur til að útboðsleið, á rekstri og þjónustu mötuneyta grunnskólanna, verði skoðuð af fullri alvöru. Er það mat ráðsins að sú leið geti verið ákjósanleg til þess m.a. að mæta áskorunum við gjaldfrjálsar skólamáltíðir, auka gæði, fjölbreytni og val skólamáltíða ásamt því að skapa tækifæri til samlegðar með öðrum stofnunum/rekstrareiningum kaupstaðarins. Til þess að hefja vinnu við undirbúning og gerð útboðsgagna leggur skóla- og frístundaráð til við bæjarráð að veitt verði heimild til að óska eftir tilboðum í aðkeypta ráðgjafavinnu í tengslum við verkefnið.

Loftlyftukerfi inn á búsetukjarnann á Laugarbraut 8. Fyrir liggur tilboð frá Öryggismiðstöðinni fyrir loftlyftur inn í þrjár íbúðir og sameignlegt baðherbergi.

Skipulags- og umhverfisráð samþykkti á fundi sínum þann 24. júní 2024 að taka undir bókun velferðarráðs og vísaði erindinu til afgreiðslu í bæjarráði.

Sveinborg Kristjánsdóttir situr fundinn undir þessum dagskrárlið sem og undir dagskrárliðum nr 13. til og með 15.

Alþingi samþykkti í maí 2024 lagafrumvarp um breytingar á lögum um húsnæðisbætur. Markmið laganna er að styðja við nýgerða kjarasamninga til fjögurra ára á almennum vinnumarkaði með því að hækka húsnæðisbætur og auka þannig ráðstöfunartekjur heimilanna og draga úr íþyngjandi húsnæðiskostnaði leigjenda.



Við breytingarnar verður annars vegar tekið aukið tillit til fjölda heimilisfólks við útreikning húsnæðisbóta. Þannig munu grunnfjárhæðir og frítekjumörk vegna húsnæðisbóta taka til allt að sex heimilismanna í stað fjögurra áður. Tveir flokkar grunnfjárhæða húsnæðisstuðnings bætast við vegna fimm eða sex heimilismanna og þá hækka einnig frítekjumörk vegna heimila þar sem fimm eða sex íbúa.



Hins vegar hækkar grunnfjárhæð húsnæðisbóta til einstaklingsheimila um 25% frá því sem nú gildir. Aðrar grunnfjárhæðir hækka til samræmis. Skerðingarmörk vegna eigna hækka einnig í 12,5 m.kr. en þau eru 8 m.kr. í dag. Þannig munu húsnæðisbætur ekki falla niður fyrr en samanlagðar heildareignir heimilis ná 20 m.kr.



Á fundi velferðar- og mannréttindaráðs þann 7. júní 2024 samþykkti ráðið að leggja til við bæjarráð að þakið á sérstökum húsnæðisstuðningi verði hækkað úr 80.000 kr. í 90.000 kr. í ljósi laga um breytingar á lögum um húsnæðisbætur nr. 75/2016.



Bæjarráð frestaði afgreiðslu málsins á fundi sínum þann 21. júní 2024.

Fjölskylduhátíðin Írskir dagar er haldin 4.-7. júlí næstkomandi.



Undanfarin ár hefur aukning orðið á áhættuhegðun ungmenna á hátíðinni, þar sem notkun áfengis og vímuefna, slagsmál og útigangur hefur færst í vöx. Þá eru einnig dæmi um að einstaka foreldrar hafi einnig sýnt af sér óæskilega hegðun og vanrækslu á börnum af sambærilegum ástæðum.



Bakvakt barnaverndar hefur tekið við tilkynningum frá lögreglu og farið í útköll þessa helgi, líkt og aðrar, en það hefur sýnt sig að sjaldan næst að kalla út bakvakt sökum anna lögreglu og annarra sem koma að hátíðinni. Það er mikilvægt í barnaverndarþjónustu að grípa inn í mál, barna og fjölskyldna, eins fljótt og auðið er.



Önnur sveitarfélög hafa farið þá leið, með góðum árangri, að vera með auka bakvakt barnaverndarþjónustu á útihátíðum. Þannig skapast tækifæri til að ná til barna, ungmenna og foreldra og koma máli þeirra í skjótan farveg.



Bakvaktarstarfsmenn væru þá á staðnum þar sem skemmtunin fer fram og vinna í nánu samstarfi við útivakt Þorpsins að því að tryggja velferð og farsæld barna og fjölskyldna á útihátíðinni.



Óskað er eftir aukafjárveitingu skv. meðfylgjandi kostnaðaráætlun, samtals 690.078, til að halda úti viðbótar bakvakt barnaverndarþjónustu á Írskum dögum.



Á fundi velferðar- og mannréttindaráð þann 7. júní 2024 var bókað að ráðið telur mikilvægt að bregðast við þeim ógnunum sem upp hafa komið á írskum dögum og tekur því jákvætt í þær úrbætur sem hér eru lagðar fram, bæði í formi útivakta Þorpsins og viðbótar bakvakt barnaverndarþjónustu.



Ráðið samþykkti aukafjárveitingu skv. kostnaðaráætlun, samtals 690.078 kr. til að halda úti útibakvakt barnaverndarþjónustu á Írskum dögum 2024.



Velferðar- og mannréttindaráð vísaði málinu til kynningar í bæjarráði.



Bæjarráð fjallaði um málið á fundi sínum þann 21. júní 2024 og tók jákvætt í erindið en frestaði afgreiðslu og óskaði nánari skýringa m.a. á framkvæmd fyrirhugaðrar útivaktar.

Frumkvæðisúttekt Gæða- og eftirlitsstofnunar velferðarmála (GEV) á búsetukjörnum fatlaðra í sveitarfélögum á landsvísu. Skila á niðurstöðum ásamt úrbótaáætlun eigi síðar en 1. oktober 2024. Óskað er eftir heimild til að ráða verktaka til að taka út þjónustu í þremur búsetukjörnum fatlaðra á Akranesi.



Á fundi velferðar- og mannréttindaráðs þann 7. júní 2024 var samþykktur meðfylgjandi viðauki sem snýr að frumkvæðisúttekt að beiðni GEV á búsetukjörnum fatlaðra hjá sveitarfélögum og vísað til bæjarráðs til endanlegrar ákvörðunar. Um er að ræða lögbundna skyldu sveitarfélaga að sinna innra eftirliti með þjónustu við fatlað fólk skv. 5. gr. laga um þjónustu við fatlað fólk með langvarandi stuðningsþarfir nr. 38/2018 og laga um Gæða og eftirlitsstofnun nr. 88/2021.



Bæjarráð frestaði afgreiðslu málsins á fundi sínum þann 21. júní 2024.

Deiliskipulagsrammi vegna breytinga á aðal- og deiliskipulagi Smiðjuvalla, deiliskipulagsrammi inniheldur stefnumörkun Akraneskaupstaðar um þróun svæðisins til langs tíma.

Skipulags- og umhverfisráð samþykki á fundi sínum að leggja til við bæjarstjórn að samþykkja fyrirliggjandi deiliskipulagsramma fyrir Smiðjuvelli um stefnumörkun um svæðið.

Afgreiðslu málsins var frestað á fundi bæjarráðs í umboði bæjarstjórnar þann 21. júní 2024.

Umsókn um tækifærisleyfi á knattspyrnuleik ÍA-Vals þann 28. júní næstkomandi.

Icedocs heimildakvikmyndahátíðin verður haldin á Akranesi dagana 17. -21. júlí 2024 en viðburðurinn hefur fest sig í sessi sem menningarviðburður á Akranesi sem fjölda gesta sækir á hverju ári. Beiðni um styrkveitingu, samtals að fjárhæð kr. 500.000.

Tillaga varðandi gjaldskrá atvinnulóða í Flóahverfi.

Bæjarráð í umboði bæjarstjórnar frestaði afgreiðslu málsins á fundi sínum þann 21. júní 2024.

Erindi stjórnar Brúar lífeyrissjóðs til bæjarstjórnar Akraness varðandi endurgreiðsluhlutfall launagreiðenda vegna réttindasafns Lífeyrissjóðs Akraneskaupstaðar í B-deild Brúar lífeyrissjóðs starfsmanna sveitarfélaga fyrir árið 2024 verði 67% sem er óbreytt hlutfall frá fyrra ári.

Bréf Orkuveitu Reykjavíkur til Svandísar Svavarsdóttur innviðaráðherra um skuldaviðmið sveitarfélaga sbr. reglugerð 502/2012.

Stjórn Orkuveitu Reykjavíkur samþykkti nýja heildarstefnu og í framhaldinu nýtt vörumerki og óskað er eftir samþykki eigenda á breytingum á vörumerkinu.

Tillaga um arðgreiðslu Orkuveitunnar 24. júní 2024