Á fimmtudaginn málum við bæinn bleikan
14.10.2015
Við vígslu ljósabúnaðar á Akratorgi í október árið 2014.
Krabbameinsfélag Akraness og nágrennis, í samstarfi við Akraneskaupstað, ætla að mála bæinn bleikan fimmtudaginn 15. október. Bleik stuðningsganga fer frá stjórnsýsluhúsi bæjarins (Stillholti 16-18) kl. 18.00 og gengið verður niður að Akratorgi. Trommusveitin fer fyrir göngunni og að sjálfsögðu eru allir hvattir til að klæðast einhverju bleiku. Allir sem taka þátt í göngunni fá happdrættismiða að gjöf.
Skemmtidagskrá á Akratorgi
- Ávarp baráttukonu
- Slaufuberi félagsins árið 2015
- Rakel og María taka lagið
- Happadrættisvinningar
- Margrét Saga og Marínó flytja létta tóna
Krabbameinsfélagið verður með heitt kakó til sölu fyrir framan gamla Landsbankahúsið og rennur allur ágóði beint til félagsins.
