Laust starf aðstoðarskólastjóra Grundaskóla
Aðstoðarskólastjóri óskast til starfa í Grundaskóla frá og með 1. ágúst 2016. Grundaskóli er heildstæður grunnskóli með um 600 nemendur og 100 starfsmenn. Í Grundaskóla er metnaðarfullt skólastarf, gott starfsumhverfi og góð samvinna starfsfólks, nemenda, foreldra og annarra samstarfsaðila skólans. Í Grundaskóla eru gerðar kröfur til nemenda og starfsfólks um dugnað, reglusemi, góða umgengni, góða ástundun og gagnkvæma virðingu.
Helstu verkefni og ábyrgð:
- Staðgengill skólastjóra
- Mannauðsstjórnun, þ.e. starfsmannamál
- Vinnur við endurmenntunaráætlun, gæðamat og sjálfsmat skólans.
- Situr í nemendaverndarráði
- Umsjón með stundaskrárgerð og námsmati
Menntunar- og hæfnikröfur:
- Leyfisbréf grunnskólakennara og kennslureynsla á grunnskólastigi
- Framhaldsmenntun á sviði stjórnunar eða uppeldis- og kennslufræða
- Leiðtogahæfni, metnaður og áhugi á skólaþróun og nýjungum
- Góð íslenskukunnátta og færni til að tjá sig í ræðu og riti
- Áhersla er lögð á að viðkomandi búi yfir lipurð í samstarfi og mannlegum samskiptum
Umsóknum fylgi ítarleg starfsferilskrá ásamt greinargerð þar sem kemur fram ástæða umsóknar og rökstuðningur fyrir hæfni viðkomandi til starfsins. Hér er sótt er um rafrænt á heimasíðu Akraneskaupstaðar en einnig er hægt að sækja um í þjónustuveri bæjarins að Stillholti 16-18, 1. hæð. Laun eru samkvæmt kjarasamningi Skólastjórafélags Íslands (SÍ) og Samninganefndar sveitarfélaga (SNS).
Nánari upplýsingar veitir Sigurður Arnar Sigurðsson aðstoðarskólastjóri í tölvupósti á netfangið sigurdur.arnar.sigurdsson@akranes.is eða í síma 433-1400. Umsóknarfrestur er til og með 28. apríl 2016.
