Öskudagsfjör á bæjarskrifstofunni
04.03.2025
Öskudagurinn er einn af skemmtilegustu dögum ársins fyrir börn og ungmenni um allt land. Á þessum degi er hefð fyrir því að krakkar klæði sig upp í ýmiss konar búninga, syngi fyrir sælgæti og skemmti sér saman.
Bæjarskrifstofa Akraneskaupstaðar býður öll börn og ungmenni hjartanlega velkomin á Dalbraut 4 miðvikudaginn 5. mars milli klukkan 12:00 - 16:00 til að taka þátt í öskudagsgleðinni!
🎶 Börn sem syngja fá popp að launum!
📸 Myndabás verður á staðnum, þar sem gestir geta smellt af sér skemmtilegum öskudagsmyndum. Myndirnar verða birtar á miðlum Akraneskaupstaðar.
Við hlökkum til að sjá búningaflóruna og heyra hressa krakka syngja af hjartans list!
Sjáumst á Dalbraut 4! 🥳
