Samvinna eftir skilnað – SES

Vakin er athygli á heimasíðu SES-samvinnu eftir skilnað fyrir foreldra barna sem búa á tveimur heimilum. Samvinna eftir skilnað (Samarbejde efter skilsmisse - SES) var upphaflega þróað í Danmörku og hafa rannsóknir sýnt marktækan mun á líðan þeirra sem taka þátt í verkefninu og þeirra sem ekki gera það. Um er að ræða gagnreynt námsefni sem er ætlað að hjálpa foreldrum við að takast á við breytingar og áskoranir sem algengar eru í kjölfar skilnaðar eða sambúðarslita.

Ef foreldrar telja sig þurfa meiri stuðning eða fræðslu eftir að hafa farið í gegnum námskeiðin á heimasíðunni stendur þeim til boða:

• Sérhæfð ráðgjöf hjá SES ráðgjöfum Akraneskaupstaðar til að stuðla að betri foreldrasamvinnu. Ráðgjöfin er með hagsmuni barnsins að leiðarljós og er veitt til að koma í veg fyrir eða draga úr ágreiningi foreldra sem standa í skilnaði eða hafa gengið í gegnum skilnað. Sótt er um á akranes.is
• Hópnámskeið Námskeið fyrir foreldra þar sem ítarlega er fjallað um áhrif skilnaðar á fjölskyldu (fyrirhugað í september 2023).

Foreldrum er bent á heimasíðuna: www.samvinnaeftirskilnad.is