Viðhald og viðgerðir gamalla húsa
Námskeið fyrir húsasmiði og áhugamenn um húsavernd verður haldið í Byggðasafninu í Görðum 23. - 24. október næstkomandi.
Þetta námskeið er fyrir alla sem ætla sér að vinna við viðhald og viðgerðir á gömlum timburhúsum. Fjallað er um undirstöður og burðarvirki og farið yfir frágang bæði utan- og innanhúss. Skoðuð eru gömul timburhús sem hafa verið endurbyggð. Þátttakendum er kennt að meta varðveislugildi húsa og breytingar sem gerðar hafa verið á þeim frá því þau voru byggð og hvernig staðið skuli að viðhaldi og viðgerðum á þeim. Námskeiði er haldið í samvinnu við Minjastofnun Íslands og Borgarsögusafn Reykjavíkur.
Kennarar eru Magnús Skúlason arkitekt, Gunnþóra Guðmundsdóttir arkitekt og Einar S. Hjartarson húsasmíðameistari. Nánari upplýsingar og skráning fer fram á heimasíðu Iðan fræðslusetur.
