1251. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 28. mars kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á beina útsendingu frá fundinum á FM 95,0.

Skóla- og frístundaráð samþykkti á fundi sínum þann 21. mars síðastliðinn að leikskólar á Akranesi loki aðeins í þrjár vikur yfir sumartímann í stað fimm. Síðastliðin ár hafa leikskólarnir lokað í fimm vikur yfir sumarið og einn leikskóli tekið að sér rekstur tveggja vikna sumarskóla fyrir alla leikskólana.

Í gærkvöldi fór fram í Tónbergi Upplestrarkeppni grunnskólanna á Akranesi. Sex nemendur í 7. bekk úr hvorum skóla kepptu um að vera besti upplesari Brekkubæjarskóla og besti upplesari Grundaskóla. Allir þátttakendur stóðu sig vel og voru sjálfum sér og öðrum til mikils sóma.

Verksamningur vegna endurbyggingar Vesturgötu milli Stillholts og Merkigerðis var undirritaður þann 21. mars síðastliðinn. Fjögur tilboð bárust í verkið og var ákveðið að ganga til samninga við lægstbjóðanda Skófluna hf.

Gengið hefur verið frá ráðningu umhverfisstjóra og rekstrarstjóra á skipulags- og umhverfissviði Akraneskaupstaðar. Stöðurnar voru auglýstar til umsóknar á árinu 2017 og var umsóknarfrestur til og með 7. febrúar. Alls bárust þrettán umsóknir um starf rekstrarstjóra og níu umsóknir um starf umhverfisstjóra þar sem einn dró umsókn sína til baka.

Ólafur Adolfsson formaður bæjarráðs verður til viðtals um húsnæðismál eldri borgara á Akranesi að Kirkjubraut 40 eftirtalda daga...

Starfsmann (karl) vantar í 100% starf við íþróttamannvirki Akraneskaupstaðar. Um er að ræða framtíðarstarf sem felst m.a. gæslu í búningsherbergjum karla og þrifum og afgreiðslu í íþróttamannvirkjum. Unnið er á tvískiptum vöktum og þarf viðkomandi að geta hafið störf sem fyrst.

Reykjavíkurborg og Akraneskaupstaður auglýsa eftir rekstraraðila til að taka að sér tilraunaverkefni um beinar siglingar ferju á milli Reykjavíkur og Akraness. Hugmyndir sveitarfélaganna eru þær að á samningstímabilinu sjái rekstraraðili um reglulegar siglingar fyrir á bilinu 50-200 farþega, að lágmarki tvisvar sinnum á...

Meirihluti fulltrúa bæjarráðs Akraness samþykkti á fundi sínum þann 16. mars síðastliðinn að fimleikahús verði reist við Íþróttahúsið á Vesturgötu og vísuðu ákvörðun ráðsins til samþykktar í bæjarstjórn. Fyrir lágu umsagnir skóla- og frístundaráðs og skipulags- og umhverfisráðs og var meirihluti fulltrúa þeirra ráða samþykkur staðsetningunni.

Bæjarstjórn Akraneskaupstaðar samþykkti 28. febrúar 2017 breytingu á deiliskipulagi Breiðarsvæðis vegna Breiðargötu 8, 8A og 8B. Tillagan var auglýst samkvæmt 1. mgr. 43. gr. skipulagssaga nr. 123/2010. Athugasemdir bárust og hefur þeim, sem gerðu athugasemdir, verið send umsögn bæjarstjórnar.