Um þessar mundir er unnið að því að rífa innan úr mannvirkjum á Sementsreit, flokka rifúrgang og farga. Jafnframt er verið að brjóta niður síló inn í efnisgeymslunni. Mikil vinna er við að klippa niður tækjabúnað verksmiðjunnar og eru byggingahlutar brotnir niður, þegar búið er að hreinsa innan úr þeim.

Lilja Rafney Magnúsdóttir alþingismaður norðvesturkjördæmis fyrir Vinstrihreyfinguna - grænt framboð mætti á fund bæjarstjóra Akraness föstudaginn 16. febrúar síðastliðinn til þess að ræða frekari atvinnuuppbyggingu á Akranesi. Lilja Rafney er formaður atvinnuveganefndar Alþingis og hefur setið í áðurnefndri nefnd frá árinu 2011.

Í tilefni af 112 deginum sem haldinn er þann 11. febrúar árlega, gefur Rauði krossinn á Akranesi opinberum stofnunum á Akranesi og í Hvalfjarðarsveit skyndihjálparveggspjald sem verða hengd upp á áberandi stöðum innan stofnana.

Verktakar við snjómokstur á Akranesi hafa haft í nógu að snúast síðastliðnu daga. Megin áhersla hefur verið lögð í að halda stofnleiðum greiðfærum og hefur að öllu jöfnu mokstur gengið vel miðað við aðstæður. Á sumum stöðum hefur þurft að fjarlægja snjó til að lágmarka þrengingar á viðkomandi götum og

Verktaki hefur ekki náð að sinna sorphirðu á Akranesi samkvæmt sorphirðudagatali vegna veðurfars og færðar innanbæjar. Á hádegi í dag átti neðri hluti bæjarins að Þjóðbraut að vera búinn en staðan er svo að hann klárast ekki fyrr en í fyrsta lagi á morgun.

Það verður kátt á götum bæjarins í dag. Öskudagurinn er runninn upp mörgum til mikilla gleði. Börn á Akranesi eru í skólum til hádegis og fara þá í kjölfarið að ganga á milli fyrirtækja. Endilega takið vel á móti þeim!

Nú líður að innritun í leikskóla fyrir haustið 2018 og bendum við foreldrum/forráðamönnum barna fæddum 2016 og barna fæddum frá janúar til mars 2017 að sækja um leikskólapláss fyrir 26. febrúar næstkomandi. Sækja skal um rafrænt í gegnum íbúagátt Akraneskaupstaðar á www.ibuagatt.akranes.is.

1268. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 13. febrúar næstkomandi kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á fundinn á FM 95,0.

Akraneskaupstaður auglýsti um miðjan janúar síðastliðinn nýjar fjölbýlishúsalóðir í Skógarhverfi 1. og 2. áfanga lausar til umsóknar. Um var að ræða átta par- og raðhúsalóðir við Álfalund og Akralund með samtals 28 íbúðum og tólf fjölbýlishúsalóðir við Asparskóga með um 150 íbúðum. Umsóknarfrestur rann út miðvikudaginn 7. febrúar síðastliðinn.

Bæjarstjórn Akraness samþykkti á fundi sínum þann 23. janúar síðastliðinn að auglýsa tillögu að breytingu á deiliskipulagi Flóahverfis skv. 41. gr. sbr. 1. mgr. 43. gr. skipulagslaga nr. 123/2010.