Akraneskaupstaður mun sjá um hirðingu jólatrjáa daganna 8.-9. janúar næstkomandi og er það í boði fyrir alla bæjarbúa. Eina sem þarf að gera er að setja trén út við götu. Ath. eingöngu jólatré verða tekin, ekki annað sorp. Akraneskaupstaður hvetur bæjarbúa til að ganga vel um og hreinsa upp eftir flugelda, sprengjur, kökur og fleira sem falla til vegna nýárs- og þrettándagleði.

Þann 6. janúar næstkomandi verður tilkynnt um val á Íþróttamanni Akraness árið 2017. Athöfnin fer fram í Íþróttahúsinu á Jaðarsbökkum að lokinni þrettándabrennu. Búið er að opna fyrir kosningu um val á Íþróttamanni Akraness og er kosningin opin frá 21. desember til og með 3. janúar. Eyðublað og frekari upplýsingar um aðila sem tilnefndir eru, má nálgast hér.

Yfir jól og áramót verður gert hlé á framkvæmdum við síðasta kafla á endurgerð Vesturgötu. Stefnt að því að framkvæmdir hefjist á ný í byrjun janúar. Eins og áður hefur komið fram er endurbygging Vesturgötu milli Stillholts og Merkigerðis með þeim stærri framkvæmdaverkefnum sem Akraneskaupstaður sinnir á árinu 2017.

Föstudaginn 15. desember kl. 20:00 er Skagamönnum og öðrum gestum boðið að koma í Garðalund og upplifa sannkallað aðventuævintýri. Kveikt verður á ljósunum hans Gutta, Guðbjarts Hannessonar, fyrrverandi skólastjóra Grundaskóla, sem Hollvinasamtök Grundaskóla standa fyrir. Því næst verður leitað að

Samtök sveitarfélaga á Vesturlandi hafa nú opnað fyrir umsóknir í Uppbyggingarsjóð Vesturlands. Á heimasíðu SSV kemur fram að sjóðurinn veitir verkefnastyrki á sviði menningar, stofn- og rekstrarstyrki menningarmála og styrki til atvinnuþróunar og nýsköpunar. Verkefnastyrkjum á sviði menninga...

Akraneskaupstaður og Íþróttabandalag Akraness hafa í sameiningu látið framleiða fjölnota poka til þess að gefa íbúum á Akranesi. Fjölnota pokarnir sem um ræðir eru gulir að lit og merktir með skjaldarmerki Akraneskaupstaðar og merki ÍA ásamt gildum þeirra. Fyrstu pokarnir voru afhentir í gær til Sævars Freys Þráinsson bæjarstjóra og Helgu Sjafnar Jóhannesdóttur formanns ÍA.

Afhending umhverfisviðurkenninga fyrir árið 2017 fór fram þann 6. desember síðastliðinn í bæjarþingsal Akraneskaupstaðar. Einar Brandsson formaður skipulags- og umhverfisráðs gerði grein fyrir vali ráðsins á þeim einstaklingum og stofnunum sem fengu umhverfisviðurkenningar í ár.

Fjárhagsáætlun Akraneskaupstaðar fyrir árið 2018 og þriggja ára áætlun 2019 til 2021 var samþykkt á fundi bæjarstjórnar Akraness í dag. Einnig var fjárfestinga- og framkvæmdaáætlun samþykkt.

Nú á dögunum var haldinn hinn árlegi Malaví markaður Grundaskóla. Þar koma nemendur og starfsfólk skólans saman og selja alls konar muni sem þau hafa búið til og rennur öll innkoma af markaðnum óskipt í söfnun fyrir fátæk börn í Malaví.

Startup Tourism er tíu vikna viðskiptahraðall sem er sniðinn að þörfum nýrra fyrirtækja í ferðaþjónustu. Ár hvert eru allt að tíu sérvalin sprotafyrirtæki valin til þátttöku og fá þau tækifæri til að þróa áfram viðskiptahugmyndir sínar undir leiðsögn reyndra frumkvöðla, fjárfesta og annarra sérfræðinga þeim að