Fréttir

Íþróttabandalag Akraness gefur reglulega út rafrænt fréttablað þar sem fjallað er um starf félagsins. Hér má sjá nýjasta tölublaðið sem er birt með leyfi íþróttabandalagsins. Hægt er að gerast áskrifandi og fylgjast með þessu fjölbreytta starfi sem ÍA sinnir með því að senda tölvupóst á ia@ia.is og gefa upp nafn og netfang.

Akraneskaupstaður auglýsir til umsóknar stöðu forstöðumanns í búsetuþjónustu fyrir fatlað fólk. Um er að ræða 100% starf. Umsóknarfrestur hefur verið framlengdur til 16. desember.

Ella María Gunnarsdóttir hefur verið ráðin forstöðumaður menningar- og safnamála á Akranesi. Ella María er með meistaranám í bókasafns- og upplýsingafræðum og BS í viðskiptafræði. Hún hefur starfað hjá Kaupþingi og síðar Arion banka frá árinu 1999 og gegnir nú starfi verkefnastjóra á þróunar- og markaðssviði.

Teigasel er þriggja deilda leikskóli með 72 börn og hópi metnaðarfullra starfsmanna. Um er að ræða stöðu deildarstjóra til og frá og með 17. desember 2015 til 30. júní 2016.

Ríkislögreglustjóri hefur lýst yfir óvissustigi fyrir allt landið. Bæjaryfirvöld á Akranesi hvetja bæjarbúa til að huga að lausamunum vegna afleitrar veðurspár en spáð er ofsaveðri síðdegis og fram á morgundag.

Í tilefni af alþjóðlegum degi fatlaðra þann 3. desember næstkomandi verður opið hús í Fjöliðjunni frá kl: 13:30-15:00. Þóra Grímsdóttir sagnaþula mun líta við ásamt því verða starfsmenn með leik- og tónlistaratriði. Boðið verður upp á heitt súkkulaði og piparkökur. Allir velkomnir.

Jólaljósin á Akratorgi voru tendruð í dag, laugardaginn 28. nóvember við hátíðlega athöfn. Lúðrasveit Tónlistarskólans á Akranesi spilaði nokkur lög í upphafi og síðan tóku nemendur skólakórs Grundaskóla við og sungu þau nokkur lög undir stjórn Valgerðar Jónsdóttur áður en kveikt var á trénu.

Vefur Akraneskaupstaðar var valinn besti sveitarfélagavefurinn á Degi upplýsingatækninnar í dag en boðað var til ráðstefnu um upplýsingatækni og lýðræði á vegum Skýrslutæknifélags Íslands. Veittar voru viðurkenningar fyrir besta opinbera vefinn og fékk Þjóðskrá Íslands þá viðurkenningu fyrir vefinn island.is og Akraneskaupstaður, fyrir besta sveitarfélagavefinn.

Á ráðstefnunni Íslenskar æskulýðsrannsóknir sem fór fram föstudaginn 20. nóvember sl. voru veittar viðurkenningar fyrir æskulýðsstarf. Viðurkenning í flokki nýsköpun og þróun í æskulýðsstarfi hlaut Ruth Jörgensdóttir Rauterberg yfirþroskaþjálfi í frístundamiðstöðinni Þorpinu, fyrir vinnu sína við að þróa...

Akraneskaupstaðar auglýsti nýtt starf forstöðumanns menningar- og safnamála um miðjan október. Umsóknarfrestur rann út þann 9. nóvember síðastliðinn og voru umsækjendur tuttugu og fjórir. Ráðningarferli stendur yfir um þessar mundir en það er ráðningarstofan Hagvangur sem sér um úrvinnslu umsókna í samstarfi við bæjaryfirvöld