Fréttir

Vegna viðhalds í íþróttamiðstöðinni að Jaðarsbökkum, verður Jaðarsbakkalaug lokuð frá mánudeginum 13. ágúst til föstudagsins 17. ágúst næstkomandi.

Hægt verður að vitja óskilamuna í anddyri íþróttamiðstöðvarinnar að Jaðarsbökkum dagana 7. - 12. ágúst næstkomandi.

Uppfært 24.07.2018 Vegna veðurs hafa orðið tafir á fyrirhuguðum malbikunarframkvæmdum á Akrafjallsvegi. Til stóð að malbikunarframkvæmdum á Akrafjallsvegi myndi ljúka á miðnætti þriðjudagsnóttirna 24.-25. júlí en ljóst er að þær tefjist og komi þær til með að standa yfir til kl. 19.00, miðvikudaginn 25. júlí.

Þann 16.júlí 1988 var Jaðarsbakkalaug formlega vígð og fagnar því 30 ára afmæli í dag.

Bæjarráð Akraness samþykkti á fundi sínum þann 12. júlí síðastliðinn að ráða Jónínu Ernu Arnardóttur í starf skólastjóra Tónlistarskóla Akraness að fenginni tillögu skóla- og frístundaráðs. Staðan var auglýst í byrjun júní og voru tíu umsækjendur sem sóttu um stöðuna, einn umsækjandi dró umsókn sína tilbaka í ráðningarferlinu.

Sementsverksmiðjan fagnaði þann 14. júní síðastliðinn 60 ára afmæli verksmiðjunnar. Af gefnu tilefni afhenti Gunnar H. Sigurðsson framkvæmdastjóri Sementsverksmiðjunnar Sævari Frey Þráinssyni bæjarstjóra hornstein úr Sementsverksmiðjunni sem var bjargað úr ofnhúsinu rétt áður en niðurrif hófst.

Nýlega var gengið til samninga við Þrótt ehf. um gangstéttagerð í Skógarhverfi I og II. Framkvæmdin felst í að vélsteypa kantstein, steypa gangstéttir og malbika hjólastíg við Asparskóga, Akralund og Blómalund. Reiknað er með að verki verði lokið í ágúst 2018.

Vinkonurnar Stefanía Líf og Ásdís Hekla opnuðu föstudaginn 6. júlí síðastliðinn krúttlegustu ísbúð landsins á Víðigrund. Sævar Freyr Þráinsson bæjarstjóri fékk þann heiður að opna ísbúðina og vera fyrsti viðskiptavinurinn. „Sem bæjarstjóri á Akranesi hef ég sett það í forgang að stuðla að atvinnuuppbyggingu á...

Hinn 15 ára gamli Skagamaður, Gabríel Ísak Valgeirsson, var í dag valinn Rauðhærðasti Íslendingurinn 2018 en valið var kunngjört á Akratorgi þar sem fram fór fjölskylduskemmtun á Írskum dögum.

Á fundi bæjarráðs þann 28. júní síðastliðinn var lagt fram erindi frá atvinnuvega- og nýsköpunarráðuneytinu um breytingar á reglugerð um veiðar á sæbjúgum ásamt athugasemdum frá Eymar Einarssyni hjá Ebbi-útgerð ehf. um breytingarnar. Í athugasemdum Eymars kemur fram að breytingarnar fela meðal annars í...