Fréttir

Margt var um manninn á Akratorgi í dag þegar jólaljósin á Akratorgi voru tendruð við hátíðlega athöfn. Skólakór skipaður yngri nemendum Grundaskóla hóf athöfnina með flutningi á nokkrum jólasöngvum undir stjórn Valgerðar Jónsdóttur.

Í ár kveikir Akraneskaupstaður á nýjum jólaljósum við miðbæjartorg Akraness. Um er að ræða jólaljós sem sett hafa verið á Landsbankahúsið svokallaða, trjágreinar í kringum Akratorg og nýtt ljósaverk sem staðsett er á grasbletti við hlið torgsins.

Á fundi bæjarráðs Akraness í dag þann 29. nóvember lýsti bæjarráð yfir áhyggjum vegna uppsagna hjá Norðuráli í gærdag. Sævar Freyr Þráinsson bæjarstjóri hefur þegar sett í samband við forstjóra Norðuráls og fyrirhugað er að hann komi á næsta reglulega fund bæjarráðs í desember.

Undanfarna daga og vikur hafa nemendur og starfsfólk Grundaskóla verið að undirbúa árlegan Malavímarkað sem fram fór í Grundaskóla í dag, fimmtudaginn 29. nóvember milli klukkan 11:45 og 13:00.

Í kvöld þann 26. nóvember verður fræðslufundur fyrir foreldra barna og ungmenna um misnotkun kannabis og lyfseðilsskyldra lyfja. Fundurinn verður haldinn í Tónbergi, sal Tónlistarskóla Akraness að Dalbraut 1 og hefst hann kl. 18:00.

Þann 20. nóvember sl. var haldin bæjarstjórnarfundur unga fólksins en sex bæjarfulltrúar mættu og voru umfjöllunarefnin fjölbreytt. Fulltrúarnir fengu endurgjöf frá kosnum bæjarfulltrúum og upplýsingar um stöðu einstakra mála.

Heilsuleikskólinn Garðasel hefur verið að innleiða YAP verkefnið í starfi hjá sér en verkefnið er unnið í samstarfi við Íþróttasamband fatlaðra og Special Olympics. Markmið YAP er að stuðla að því að öll börn fái næga hreyfiþjálfun en sérstök áhersla er á börn með sérþarfir/frávik.

1283. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 27. nóvember kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á fundinn á FM 95,0.

Hægt er að vitja óskilamuna í öllum íþróttamannvirkjum Akraneskaupstaðar dagana 30. nóv - 4. des.

Bæjarstjórn Akraness hefur samþykkt lýsingu á breytingu á aðal- og deiliskipulagi fyrir Miðsvæði M2 (miðsvæði Akratorg, Kirkjubraut, Stillholt) á Akranesi skv. 30. gr. og 40 gr. skipulagslaga nr. 123/2010.