Dagur gegn einelti 8. nóvember

Dagurinn 8. nóvember er helgaður baráttunni gegn einelti í samfélaginu.

Einelti er alvarleg tegund ofbeldis sem hefur víðtækar samfélagslegar afleiðingar og börn sem eru beitt einelti geta glímt við afleiðingar þess ævilangt. Eineltisforvarnir eru lýðheilsumál enda getur einelti haft áhrif á lífsgæði og heilsu bæði þolenda og gerenda til lengri og skemmri tíma. (Tekið af vef island.is).

Í tilefni af deginum hefja Akraneskaupstaður í samstarfi við skólastofnanir verkefni sem felur í sér að útbúa plagat sem fjallar um einelti og birtingamyndir þess. Plagatið verður unnið með stjórnendum, kennurum, fagaðilum og nemendum. Verkefnið ber yfirskriftina: Stöndum saman gegn einelti og áætlað að plagatið verði hengt upp í stofnunum bæjarins í þessum mánuði.

Hér fyrir neðan bendum við ykkur á gagnlegt fræðsluefni um einelti og hvetjum við foreldra og forráðamenn að ræða við börnin sín og minna þau reglulega á það að koma fallega fram við hvort annað.

https://www.heimiliogskoli.is/fraedsluefni?subcategory=Einelti#fraedsluefni