Sólmyrkvinn á Akranesi

Mynd tekin á Breið í morgun.

Um kl. 9:30 í morgun var orðið fjölmennt bæði við Breiðina og á Langasandi á Akranesi en á báðum stöðum var hópur fólks samankominn til að fylgjast með sólmyrkvanum. Sólmyrkvi myndast þegar tunglið fer á milli sólar og jarðar þannig að það varpar skugga á jörðina og sólin myrkv­ast að hluta eða í heild frá jörðu séð. Sólmyrkvinn í morgun er sá mesti sem sést hefur frá Íslandi í 61 ár.

Meðfylgjandi eru nokkrar myndir teknar á Breiðinni í morgun ásamt skemmtilegu myndbandi frá starfsfólki og nemendum Brekkubæjarskóla sem fylgdust með sólmyrkvanum á Langasandi.