Fréttir

Í dag þann 20. mars bárust yfirlýsingar frá Heilbrigðisráðuneytinu í samvinnu við Mennta- og menningarmálaráðuneytið og frá ÍSÍ og UMFÍ varðandi íþróttastarfsemi á landinu á meðan á farsótt stendur. Akraneskaupstaður og ÍA vilja að öllu leyti fara að tilmælum þessara aðila og sóttvarnarlæknis og því mun formlegt íþróttastarf á Akranesi falla niður um óákveðinn tíma.

Almannavarnadeild ríkislögreglustjóra og embætti landlæknis hafa sent frá sér svohljóðandi tilkynningu foreldra varðandi samkomubann og börn: Skólar, leikskólar og íþróttafélög hafa skipulagt vandlega fyrirkomulag næstu daga og vikur til að fara eftir fyrirmælum heilbrigðisráðherra um takmarkanir á skólastarfi og samkomum.

1310. fundur bæjarstjórnar Akraness verður haldinn í bæjarþingsalnum að Stillholti 16­18, þriðjudaginn 24. mars kl. 17:00. Fundarsalurinn verður ekki opinn að svo stöddu og eru bæjarbúar hvattir til þess að hlusta á fundinn á FM 95,0 og horfa á beina útsendingu á facebooksíðu Akraneskaupstaðar. Bæjarmálafundir flokkanna falla allir niður vegna samkomubanns sem er í gildi til og með 13. apríl.

Í ljósi þeirra aðstæðna sem eru uppi í samfélaginu verður endurvinnsla dósa hjá Fjöliðjunni lokuð tímabundið. Lokunin er frá hádegi þann 19. mars og verður lokað a.m.k. á meðan samkomubann er í gildi.

Í ljósi þeirra aðstæðna sem eru uppi í samfélaginu verður Nytjamarkaðurinn Búkolla lokuð tímabundið, a.m.k. á meðan samkomubann er í gildi. Ekki verður tekið við munum á meðan lokun stendur yfir en fatagámar fyrir utan húsnæði Búkollu og Búkollugámurinn hjá Terra eru opnir á meðan pláss leyfir.

Bæjarstjórn Akraneskaupstaðar samþykkti 10. mars 2020, deiliskipulag Smiðjuvalla vegna lóða við Smiðjuvelli 12, 14, 16, 18, 20 og 22. Tillagan var auglýst samkvæmt 1. mgr. 41. gr. skipulagssaga nr. 123/2010.

Fasteignafélag Akraneskaupstaðar óskar eftir tilboðum í Reiðhöll hestamannafélagsins Dreyra á Akranesi. „Límtrésburðarvirki, klæðningareiningar og ytri frágangur“.

Í ljósi þeirra aðstæðna sem uppi eru þarf að grípa til aðgerða. Skólum og frístundastarfi hafa verið sett viðmið í starfsemi sem þarf að uppfylla og þeir stilla sér í framlínu sem hluti af almannavörnum landsins. Grunn- og leikskólastarfið verður með gjörbreyttu sniði og mjög takmarkað.

Í ljósi þeirra aðstæðna sem uppi eru þarf að grípa til aðgerða. Skólum og frístundastarfi hafa verið sett viðmið í starfsemi sem þarf að uppfylla og þeir stilla sér í framlínu sem hluti af almannavörnum landsins.

Almannavarnir hafa biðlað til sveitarfélaga að framfylgja forgangslista neyðarstigs almannavarna þegar kemur að skipulagningu starfs í grunn- og leikskólum og frístund. Er hér um að ræða aðila sem sinna samfélaglega mikilvægri þjónustu svo sem í heilbrigðisgeiranum og viðbragðsgeiranum.