Bæjarstjórn unga fólksins - 22. fundur, 21. febrúar 2024

Mynd frá Bæjarstjórnarfundi unga fólksins árið 2020 á Stillholti.

22. fundur bæjarstjórnar unga fólksins verður haldinn miðvikudaginn 21. febrúar 2024 að Dalbraut 4 og hefst kl 17:00.

Fulltrúar úr Ungmennaráði Akraness taka nú sæti í bæjarstjórn í tuttugasta og annað sinn. Ungmennaráð, er skipað níu fulltrúum nemendafélaga grunnskólanna, nemendafélags FVA, Tónlistarskóla Akranes, fulltrúa ÍA og fulltrúum félagsmiðstöðvanna tveggja þ.e. Arnardals og Hvíta hússins. Bæjarfulltrúar Akraneskaupstaðar sitja fundinn og svara erindum ungmennanna.

Fundurinn er opinn fyrir öll áhugasöm en einnig er hægt að fylgjast með beinni útsendingu á facebooksíðu Akraneskaupstaðar og með því að smella hér. 

Á fundum bæjarstjórnar unga fólksins hafa ungmenni bæjarins tækifæri til þess að koma á framfæri erindum sínum og ábendingum og skapast í kjölfarið málefnalegar og gagnlegar umræður á milli þeirra, bæjarstjóra og kjörinna bæjarfulltrúa.  Hér má nálgast allar fundagerðir bæjarstjórar unga fólksins.