Aðventustemning á Akranesi um helgina

Það verður sannkölluð aðventustemning á Akranesi um helgina!

Laugardagurinn 2. desember

• Aðventutónleikar í Akranesvita klukkan 14:00 þar sem hjónin Valgerður Jónsdóttir og Þórður Sævarsson flytja létta tóna. Allir velkomnir og aðgangur ókeypis.
• Jólaljósin á Akratorgi verða tendruð við hátíðlega athöfn kl. 16:30. Skólakór Grundaskóla mun flytja nokkur vel valin jólalög og er aldrei að vita nema nokkrir jólasveinar komi við.
• Bókasafn Akraness er opið á laugardögum frá kl. 11-14 og er tilvalið að gera sér ferð þangað og skoða sýningu Kolbrúnar S. Kjarval, Bæjarlistamanns Akraness 2017, “Munið eftir smáfuglunum“.
• Jólamarkaður Skagamanna í matsal Sementsverksmiðjunnar opnar kl. 13. Þar má finna ýmiskonar handverk, matvörur, skrautmuni og margt fleira. 

Ekki gleyma að hlusta á Útvarp Akranes um helgina á FM 95,0!