Afmælishátíð ÍA

Laugardaginn 26. nóvember frá kl. 13-16 verður opið hús í Íþróttahúsinu við Vesturgötu og munu aðildarfélög ÍA taka á móti gestum og kynna starfsemi sína. Eitthvað í boði fyrir alla fjölskylduna, m.a. verður hægt að:

• Mæla skothraða
• Prófa skotfimi
• Spila badminton
• Reyna sig í golfhermi
• Spila boccia
• Skjóta á körfu
• Horfa á dans
• Hoppa á loftdýnu
• Máta karatebúnað
• Spila keilu
• Slá í boxpúða
• Prófa klifurvegginn
• Lyfta lóðum

Einnig mun Hörður Kári Jóhannesson vera með skoðunarferðir um húsið kl. 13:30, 14:30 og 15:30. Klukkan 14:00 mun ÍA kórinn syngja, Regína Ásvaldsdóttir, bæjarstjóri flytur ávarp og Helga Sjöfn Jóhannesdóttir formaður ÍA setur afmælishátíðina.  Léttar veitingar verða í boði að því loknu.

Allir með gulir og glaðir og ekki gleyma að stilla á 95.0 - Útvarp Akranes.