Akraneskaupstaður fær hraðamæla

Á myndinni eru fulltrúar Björgunarfélagsins og Akraneskirkju auk forsvarsmanna slysavarnardeildarinnar og Akraneskaupstaðar.

Á aðalfundi Slysavarnardeildarinnar Lífar á Akranesi í gærkveldi, 21. febrúar, var Akraneskaupstaði færðar fjórar milljónir króna að gjöf til kaupa á sex hraðavaraskilti. Markmið með gjöfinni er að auka umferðaröryggi á Akranesi. Miðað er við að tvö skilti verði settir upp við bæjarmörk Akraness, nánar tiltekið við Innnesveg og Akranesveg nærri tjaldsvæðinu, og fjögur við Grundar- og Brekkubæjarskóla til beggja átta. Það var Ólafur Adolfsson formaður bæjarráðs sem veitti gjöfinni viðtöku fyrir hönd Akraneskaupstaðar og þakkaði kærlega fyrir þessa höfðinglegu gjöf.

Akraneskaupstaður mun útfæra hugmyndina nánar í samráði við forsvarsmenn Slysavarnardeildarinnar,  skipulags- og umhverfissvið og skólastjóra grunnskólanna á Akranesi.

Á myndinni má sjá Hallfríði Jónu Jónsdóttur formann Lífar og

Skúlínu Hlíf Guðmundsdóttur gjaldkera ásamt Ólafi Adolfssyni formanni bæjarráðs.