Bæjarráð Akraness samþykkir styrkveitingu til KFÍA

Ljósmynd: KFÍA

Á fundi bæjarráðs Akraness þann 10. október síðastliðinn samþykkti bæjarráð Akraness tillögu Rakelar Óskarsdóttur bæjarfulltrúa um að veita KFÍA styrk að fjárhæð 1,0 m.kr. vegna árangurs meistaraflokks og annars flokks karla í knattspyrnu í ár. Meistaraflokkur karla sigraði Inkasso deildina með 48 stigum og fara sem sigurvegarar í Pepsi deildina að ári.  Annar flokkur karla varð Íslandsmeistari í fyrsta sinn í 13 ár með 42 stig í A-riðli Íslandsmótsins. 

Bæjarráð óskar KFÍA innilega til hamingju með árangurinn á árinu.