Bilun á klórskammtara í Jaðarsbakkalaug

Þann 7.mars varð bilun í klórbúnaði sem tengist nuddpottinum á Jaðarsbökkum. Virðist klórdæla hafa dælt út of miklum klór, sem valdið getur meðal annars ertingu á húð og skemmdum á sundfatnaði. Búið er að loka pottinum og unnið er að bilunarleit. Þeir sem kenna sér meins er bent á að hafa samband við lækni.

Vegna skemmda á sundfatnaði er óskað eftir því að haft verði samband á netfangið danielsg@akranes.is til að fá hann bættan.

Beðist er velvirðingar á þeim óþægindum sem þetta kann að hafa valdið en unnið er stöðugt að eftirliti og viðbrögðum við óeðlilegum breytingum sem kunna að verða á búnaði með öryggi gesta að leiðarljósi.