Breyttur útivistartími barna 1. september

Foreldrar og forráðamenn eru minntir á að samkvæmt 92. grein barnaverndarlaga (nr. 80/2002) eru útivistartímar barna og unglinga sem hér segir:

Útivistartími yfir vetrartímann (1. september til 1. maí) 

• Börn 12 ára og yngri mega lengst vera úti til klukkan 20:00.
• Börn 13 til 16 ára mega lengst vera úti til klukkan 22:00.

Útivistartími yfir sumartímann (1. maí til 1. september)

• Börn 12 ára og yngri mega lengst vera úti til klukkan 22:00.
• Börn 13 til 16 ára mega vera lengst úti til klukkan 24:00.

Aldursmörk miðast við fæðingarár en ekki fæðingardag. Sem þýðir að 1. janúar þess árs sem börn verða 13 eða 16 ára lengist útivistartími.