Daglegir tónleikar í Akranesvita í sumar

Antonía Líf Sveinsdóttir leikur á þverflautu

Á virkum dögum í sumar verður boðið upp á daglega tónleika í Akranesvita. Fram koma 14-16 ára nemendur við Tónlistarskólann á Akranesi sem spila á þverflautu, blokkflautu, klarinett og gítar. Fyrstu tónleikar hvers dags hefjast kl. 13:30 og eru endurteknir á heila og hálfa tímanum, seinustu kl. 15:30.

Fyrstu þrjár vikurnar munu eftirfarandi stúlkur koma fram:

• 7.-10. júní  Antonía Líf Sveinsdóttir, þverflauta
• 13.-16. júní  Heiður Dís Kristjánsdóttir, þverflauta
• 20.-24. júní  Bára Valdís Ármannsdóttir, þverflauta

Við hvetjum Skagamenn sem og aðra gesti til að koma sem oftast við og njóta fallegra tóna.