Endurgerð stakkstæðanna á Breið á endalokum

Nemendur á fyrsta ári í Umhverfisskipulagi við Landbúnaðarháskóla Íslands lærðu réttu handtökin við endurgerð stakkstæðanna á Breið í vikunni undir leiðsögn Unnsteins Elíassonar, torf- og grjóthleðslumanns. Nemendurnir eru í áfanga sem nefnist Byggingarfræði þar sem þau kynnast algengustu efnum og aðferðum sem notuð eru við byggingu og umhirðu grænna svæða og leyndi sér ekki áhugi nemenda á verkinu. Vinnan gekk vonum framar og nú sér fyrir endann á verkinu.