Kaja Organic byrjar framleiðslu á íslensku og lífrænu pasta

Karen og Sævar með fyrsta skammtinn af pastanu.

Fyrr í vikunni hóf Kaja Organic framleiðslu á íslensku og lífrænu pasta á Akranesi. Karen Jónsdóttir frumkvöðull og eigandi Kaja Organic sem rekur annars vegar Matarbúr Kaju og hins vegar Café Kaju, lét ekki spyrja sig tvisvar þegar ljóst var að hlé yrði á framleiðslu Norðurárdals pasta í Hreðavatnsskála. Vegna aukinnar eftirspurnar eftir pastanu var ljós að framleiðslunni yrði að halda áfram og verður því pastað framleitt undir vörumerkinu Kaja. Framleiðsla af þessu toga er sú fyrsta sinnar tegundar á Akranesi. Sævar Freyr Þráinsson bæjarstjóri og matarunnandi fékk þann heiður að aðstoða við fyrstu framleiðsluna og fékk í staðin fyrsta pasta skammtinn. 

Áhugasömum er bent á að hægt er að versla ferskt íslenskt lífrænt pasta alla virka daga hjá Kaju. Nánari upplýsingar er hægt að sjá hér á facebooksíðu Kaju.