Laust starf félagsráðgjafa í barnavernd

Laus er til umsóknar 100% staða félagsráðgjafa í barnavernd hjá Akraneskaupstað. Um er að ræða tímabundið starf í u.þ.b. eitt og hálft ár. Launakjör eru samkvæmt kjarasamningi stéttarfélags íslenskra félagsráðgjafa.

Helstu verkefni:

• Vinnsla barnaverndarmála
• Ráðgjöf við foreldra og börn
• Samstarf við leik- og grunnskóla og aðrar stofnanir er tengjast börnum

Menntunar- og hæfniskröfur:

• Starfsréttindi sem félagsráðgjafi
• Reynsla á sviði barnaverndar æskileg
• Lipurð í mannlegum samskiptum og lausnamiðuð hugsun
• Sjálfstæð og skipulögð vinnubrögð

Hér er sótt er um rafrænt á heimasíðu Akraneskaupstaðar en einnig er hægt að sækja um í þjónustuveri bæjarins að Stillholti 16-18, 1. hæð.  Umsóknarfrestur er til og með 10. október 2016. Nánari upplýsingar um starfið veitir Sveinborg Kristjánsdóttir, félagsmálastjóri í síma 433-1000 eða á netfangið sveinborg.kristjansdottir@akranes.is.