Lilja Rafney og Sævar Freyr ræða atvinnuuppbyggingu á Akranesi

Lilja Rafney Magnúsdóttir alþingismaður norðvesturkjördæmis fyrir Vinstrihreyfinguna - grænt framboð mætti á fund bæjarstjóra Akraness föstudaginn 16. febrúar síðastliðinn til þess að ræða frekari atvinnuuppbyggingu á Akranesi. Lilja Rafney er formaður atvinnuveganefndar Alþingis og hefur setið í áðurnefndri nefnd frá árinu 2011.  

Á fundinum var rætt um uppbyggingarmöguleika tengt sjávarútvegi og opnun fiskmarkaðar ásamt uppbyggingu Sementsreits, Dalbrautarreits, frístundamiðstöðvar og fimleikahúss.  Jafnframt voru ræddar samgöngubætur á Kjalarnesi, aðstaða fyrir félagsstarf aldraðra,  þróun menntunar vegna fjórðu iðnbyltingarinnar ásamt styrk leik- og grunnskóla á Akranesi og mikilvægi Heilbrigðisstofnunarinnar á Akranesi.