Ný listaverk í listaverkasafn Akraness

Í árslok 2020 keypti menningar- og safnanefnd listaverk af sex listakonum. Þær eru allar starfandi á Akranesi og voru með sýningar á verkum sínum á Vökudögum 2020. Listakonurnar eru:

• Aldís Petra Sigurðardóttir. Án titils - Olía á striga.
• Gróa Dagmar Gunnarsdóttir. Dulin - Blek og blýantur á pappír.
• Jaclyn Árnason. Logi – Akrýl á striga.
• Kolbrún Sigurðardóttir (KolSig). Samvera - Olía á striga.
• Silja Sif Engilbertsdóttir. Án titils – Akrýl á striga.
• Tinna Rós Þorsteinsdóttir (Tinna Royal). Án titils - Vatnslitir.

Verkin verða til sýnis á bókasafni Akraness út febrúar 2021. Bæjarbúar eru hvattir til að heimsækja bókasafnið og skoða listaverkin.

Verkunum verður í kjölfarið komið fyrir á stofnunum bæjarins og verður til að mynda verk Kolbrúnar í þjónustuverinu á bæjarskrifstofunni og verk Tinnu Rósar í bókasafninu að Dalbraut 1. Verið er að finna samastað fyrir önnur listaverk m.a. í nýrri þjónustumiðstöð við Dalbraut 4.