Opnað fyrir umferð um Kalmanstorg og Kalmansbraut

Framkvæmdir við Kalmanstorg. Myndir frá Midnight Studios.

Opnað var fyrir umferð um Kalmansbraut og Kalmanstorg fyrr í dag, þann 26. apríl en ekki verður hægt að aka Esjubraut til austurs frá Kalmanstorgi þar sem framkvæmdir við endurnýjun á Esjubraut hefjast fljótlega.

Nýja hringtorgið er mikil samgöngubót, sérstaklega fyrir gangandi og hjólandi umferð. Á Kalmansbraut voru settar tvær miðeyjar ásamt tveimur veglegum gangbrautum. Jafnframt eru vel útfærðar gangbrautir umhverfis torgið. Þessi verkefni hér að framan voru talin mikilvæg í Umferðaröryggisáætlun fyrir Akranes.

Myndir hér meðfylgjandi koma frá Midnight Studios.