Rauð veðurviðvörun á Akranesi - Skólar og íþróttamannvirki lokuð 6.febrúar.

Kort/Veðurstofa Íslands

Á morgun, fimmtudag 6. febrúar, hefur verið gefin út rauð veðurviðvörun frá kl. 8:00-13:00 og spáð aftaka veðri á Akranesi.

Tilmæli frá Ríkislögreglustjóra í samráði við lögregluna á Vesturlandi og Almannavarnir, vegna yfirlýsingu um hættustig Almannavarna vegna ofsaveðurs, eru að fólk sé ekki á ferli utandyra á meðan veður gengur yfir.

Að þeim sökum verður skólahald að mestu fellt niður í Brekkubæjarskóla og leikskólum Akraneskaupaðar á morgun – sjá nánari tilkynningar frá skólunum í gegnum upplýsingasíður og skólakerfi þeirra.

ATHUGIÐ ef veðrið gengur niður fyrr en ætlað er, og óhætt verður að vera á ferðinni, verða sendar út tilkynningar um opnun skóla í fyrramálið.

Vakin er athygli á því Íþróttamannvirki Akraneskaupstaðar verða einnig lokuð til kl. 13:00 á morgun.