Skógarhverfi - samið um gatnagerð og lagnir í nýjum áfanga

Akraneskaupstaður í samvinnu við Veitur ohf., Ljósleiðarann ehf og Mílu ehf., hefur undirritað verksamning við Borgarverk ehf vegna vinnu við gatnagerð og lagnir í nýju hverfi, Skógahverfi á Akranesi.

Í nýbyggingarhverfinu er um að ræða gatnagerð, stígagerð, götulýsing og lagningu allra veitukerfa og fjarskiptalagna í hluta af skipulagsáföngum Skógahverfi 3C og 5.

Nokkrar stærðir í verkinu:
- Gröftur 105.000 m3
- Fylling 115.000 m3
- Fráveitulagnir 4.400 m
- Kaldavatnslagnir 2.600 m
- Hitaveitulagnir 4.500 m

Verkið er með áfangaskilum 30. janúar 2023, 30. júlí 2023, 30. október 2023 og verklok eru 30. ágúst 2024. Verkið var auglýst á EES svæðinu.
Borgarverk ehf buðu lægst í verkið eða 1.045.285.000.- krónur.