Slökkvilið Akraness og Hvalfjarðarsveitar manna vaktir í Grindavík

Slökkvilið Akraness og Hvalfjarðarsveitar hefur mannað vaktir í þrjá daga í Grindavík með öðrum viðbragðsaðilum víða af landinu. Síðastliðinn laugardag fór slökkviliðið í sína þriðju ferð á svæðið að veita aðstoð.

Þau verkefni sem Slökkviliði hefur sinnt á svæðinu eru t.d verðmætabjörgun af heimilum fólks og fyrirtækjum ásamt því að sinna vakt slökkviliðs á svæðinu.

Sigurður Þór Elísson Varðstjóri Slökkviliðs Akraness og Hvalfjarðarsveitar sagði það aldrei hafa verið nein spurning þegar kallið kom.

"Þegar kallið kom frá Grindavík um aðstoð þá var þetta aldrei spurning - Brugðist hratt við og tæki mönnuð, og af stað. Við erum öll almannavarnir!".

Við fögnum óeigingjörnu og mikilvægu starfi slökkviliðsins okkar og sendum áfram okkar bestu kveðjur til Grindavíkur.