Sprengjur og hvellir á síðasta tökudegi

Ljósmynd: Finnur Andrésson.

Síðasti tökudagur kvikmyndarinnar Fast8 er á morgun, þann 19. apríl. Tökurnar sem fara m.a. fram á Sementsreitnum á Akranesi hófust í síðustu viku. Bæjarbúar hafa ekki farið varhluta af því umstangi sem verkefnið hefur kallað á en á bilinu 3 til 400 manns vinna við tökurnar.

Í tilkynningu frá fyrirtækinu True North kemur fram að búast megi við hávaða frá svæðinu á morgun vegna notkunar á gervisprengjum og svokölluðum ,,gervihvellum".  Tökurnar fara fram milli kl. 9.00 og 21:00 og verða sprengingar einungis hluta úr degi. Aðstandendur myndarinnar vonast til að bæjarbúar upplifi ekki mikil óþægindi vegna þessa.