Sumarleyfi leikskólanna 2018

Í janúarmánuði samþykkti bæjarráð tillögu skóla- og frístundaráðs um að leikskólar Akraneskaupstaðar loki í fjórar vikur. Samþykktin er byggð á verklagsreglum leikskólanna en hvert barn skal taka fjórar vikur samfellt í sumarleyfi ár hvert og eru dvalar- og fæðisgjöld felld niður á þeim tíma.

Gerð var könnun með foreldra hvers leikskóla fyrir sig um óskir þeirra til sumarleyfa leikskólanna sumarið 2018. Góð svörun var meðal foreldra og var í flestum tilvikum um afgerandi niðurstöður. Sumarlokun leikskóla verður eftirfarandi: 

• Akrasel er í sumarleyfi 9. júlí- 3. ágúst
• Garðasel er í sumarleyfi 9. júlí- 3. ágúst
• Vallarsel er í sumarleyfi 9. júlí- 3. ágúst
• Teigasel er í sumarleyfi 16. júlí- 10. ágúst