Tillaga að breytingu á aðal-og deiliskipulagi Dalbrautarreits

Tillaga að breytingu á Aðalskipulagi Akraness 2005-2017 - Dalbraut 

Bæjarstjórn Akraness samþykkti 13. júní s.l. að auglýsa tillögu að breytingu á Aðalskipulagi Akraness 2005-2017 vegna Dalbrautarreits, samkvæmt 31. gr. sbr.1.mgr.36.gr. skipulagslaga nr. 123/2010. 

Breytingin felst í að miðsvæði M4 er stækkað til norðurs og verður svæðið S8/V6/A7 með blandaðri landnotkun. Breyting á deiliskipulagi Dalbrautar er auglýst samhliða. 

 Tillaga að breytingu á deiliskipulagi Dalbrautar 

Bæjarstjórn Akraness samþykkti 13. júní s.l. að auglýsa tillögu að breytingu á deiliskipulagi Dalbrautarreits skv. 41. gr. sbr. 1. mgr. 43. gr. skipulagslaga nr. 123/2010. 

Breytingarnar felast m.a. í stækkun skipulagssvæðis til norðurs yfir lóð við Dalbraut 8, bætt verður við hæð húsa, íbúðum fjölgað og um leið mun nýtingarhlutfall svæðisins hækka. Nýbygging verður á Dalbraut 4 og verður þar á jarðhæð heimiluð starfsemi undir félagsstarf. Breyting á Aðalskipulagi Akraness 2005-2017 vegna Dalbrautar verður auglýst samhliða. 

Tillögurnar verða til kynningar í þjónustuveri kaupstaðarins að Stillholti 16-18, Akranesi og á heimasíðu Akraneskaupstaðar www.akranes.is frá og með 20 júlí 2017 til og með 7 september 2017. Eru þeir sem telja sig eiga hagsmuna að gæta hvattir til að kynna sér tillögurnar. Ábendingum og athugasemdum við tillögurnar þarf að skila skriflega eigi síðar en 7. September 2017 í þjónustuver Akraneskaupstaðar að Stillholti 16-18, eða á netfangið skipulag@akranes.is. 

 Helstu fylgiskjöl eru eftirfarandi:

• aðalskipulag Akraness 2005-2017
• deiliskipulag - deiliskipulagsuppdráttur
• deiliskipulag - skýringaruppdráttur
• greinagerð deiliskipulags